ياطير ياطيـر ياطيرالسعـد ياللـي تـرف الجنـاح
لا واهنيـك ليـا ضاقـت عليـك ألارض خليتـهـا
وأن رحت وأن جيت ياطير السعد تسبق هبوب الرياح
وأظن مافيـه ديـره فـوق وجـه ألارض ماجيتهـا
مانته بمثلي تجي وتروح مايصعـب عليـك المـراح
لكـن ياليـت جنحانـك معـي ياطـيـر ياليتـهـا
كله على شان ازور اللي رمانـي بالعنـا واستـراح
اللـي علـى شانـه الاقـدام عنتـنـي وعنيتـهـا
في ماض الايام اشوفه قدم عيني في المساء والصباح
واليوم حتى العلوم اللي تجيني عنـه مـا أوحيتهـا
وليا نشدت العرب ماحـدٍ يعلمنـي عنـه ويـن راح
وأتعبت نفسـي وبالنشـده كثيـر النـاس بذيتهـا
لاووجودي على شوفتك لـو مـره ياظبـي البـراح
ياللي على شانـك العبـره علـى الخديـن هليتهـا
يابوعيـون هدبهـا يـزرق العشـاق زرق الرمـاح
ذبحت روحي على كفـك برمـش العيـن واحييتهـا
0 التعليقات:
إرسال تعليق