ذقت جور السنين وذقت ظلم الزمـاني = قاسيه دنيتي والله وبالحيل مـــرّه
وأحسب ماعد يجيـني كثر ماكان جاني = وأثر ماجاء قليل وخلفه أكثر يجـره
ظلم دنياي مرّ ، وجور دهري حـداني = لكن ظلم الحبيب يفوق مليون مـره
آآآه يا دنيتي وشلون مالك أمـــاني = بحر حزن وكأبه عقب قطرة مسـره!!
هو صحيح إن دهري في صميمي كواني = لكن أرجـع وأقول الدهـر لله دره
لجل يومه ظلمني ماحرمني الأمــاني = بل بقي لي مخاويني بخيره وشـره
وأما خلّي فيوم إنه ظلمني رمـــاني = أغرقني خوف بحره وأبتعد أمن بـره
آآآه ياليت يوم إنه بهجـــره نـواني = كان قفّى وراح بدون ظلم ومضــره
0 التعليقات:
إرسال تعليق